Preparámonos para o Corpus de Pontevedra

11 Abril, 2008 por Sonsoles
preparamonos-para-o-corpus-de-pontevedra

Prezados alumnos,

Deixo neste blogue do que pasades bastante unha serie de partituras de pezas relacionadas coa festividade do Corpus de Pontevedra, pois é moi posible que vaiamos tocar na procesión coma o ano pasado. Este ano gustaría que nos prepararamos mellor así que imos comezar xa.

Como vedes hai dúas pezas:

  1. Marcha de Xigantes: é unha especie de pasodobre bastante animado, moi sinxelo. Imos comezar por esta.
  2. Chucurruchú: olvidade a marcha que tocamos o ano pasado, esta parécese moito pero é moito máis guay pois é unha versión para gaita feita por Fermín a partir dunha obra para 2 violíns e violonchelo dun músico que se chamaba Igrexas Vilarelle e foi un persoeiro destacado na Pontevedra da primeira metade do século XX.

Propoño que busquedes información sobre esta festividade que tanta sona ten en Pontevedra, información como:

  • Que se celebra
  • Dende cando se celebra en Pontevedra
  • En que consiste a celebración do Corpus en Pontevedra

Agardo as vosas aportacións, non me falledes

Sonsoles

Marcha de Xigantes de Corpus Para Acodeón

Marcha de Xigantes de Corpus Para Gaita

Marcha de Xigantes de Corpus Arquivo Midi Para Practicar

Chucurruchú Para Acordeón

Chucurruchú Para Gaita

Chucurruchú Midi Para Practicar

Arquivado en Audio, Partituras |
«

6 comentarios para “Preparámonos para o Corpus de Pontevedra”

  1. Andrea, o 16 Maio, 2008 ás 16:08, dixo:

    Agora xa funcionou o programa de midi, xa puiden ensaiar con el. A ver qué tal sae a actuación do 25. Supoño que ben, temos tanto talento! Bueno un saúdo e ata dentro dun pouco.

  2. Sonsoles, o 20 Maio, 2008 ás 12:05, dixo:

    Alédome de que funcione. Averdade é que non lle fixen nada. A veces pasan cousas nas computadoras que as nosas mentes de materia blanda non poden comprender.
    Pois iso, a ensaiar moito porque o talento se non se traballa non sirve de nada ;)
    Ãnimo!

  3. Sonsoles, o 20 Maio, 2008 ás 12:19, dixo:

    Ninguén me dixo nada sobre a celebración do Corpus Christi. A verdade é que na rede non hai moita información sobre esta celebración na cidade de Pontevedra. Celébrase 60 días despois do domingo de Pascua para conmemorar a Eucaristía ou o momento no que Cristo deu aos apóstolos o seu corpo (o pan) e a súa sangue (o viño) .
    Celébrase moito nas vilas mariñeiras, onde as cofradías ou agrupacións de pescadores mantiñan as imaxes e as sacaban en procesión. Dende o Renacemento (ss. XV-XVI) téñense novas acerca desta celebración en cidades galegas da costa como Pontevedra.
    En algunhas vilas, como Redondela, a tradición está moi viva e o día de Corpus sacan á rúa un dragón denominado Coca.

  4. Calítoe.:., o 20 Maio, 2008 ás 23:33, dixo:

    En moitos lugares as procesións fanse sobre alfombras de flores

  5. Calítoe.:., o 20 Maio, 2008 ás 23:35, dixo:

    En moitos lugares as procesións fanse sobre alfombras de flores. En Pontevedra e mesmo en Tenorio tamén, mais as alfombras de Ponteareas son moi sonadas. En YouTube hai un video moi interesante de como as deseñan: http://es.youtube.com/watch?v=7XLy7tfa9hQ

  6. mariña, o 24 Xuño, 2008 ás 11:26, dixo:

    Sonsoles!!!
    gustaríame moito aprender as cancións para o baile! Quero sabelas,podes ensinárnolas ou ben darnos a partitura.

Deixar un comentario